UEFA Çempionlar Ligasynda mundan öňki 3 oýunda ýeňilmedik “Monako” myhmançylykda “Bolonýany” 1-0 hasabynda ýeňdi. “Ligue 1”-iň wekiline ýeňiş getiren ýeke-täk goly 86-njy minutda Tilo Kerer geçirdi.
Utugyny 10-a ýetiren “Monako” öňdäki bu ýaryşda ýeňlişsiz ýörişini dowam edýär. 60 ýyldan soň gatnaşýan ýaryşynda Bolonýa 4 oýunda 1 utuk alyp, entek olara gol geçirtmek başartmady.Edil şol hasap Dortmundda ýerli “Borussiýa” bilen “Şturm Grasyň” arasyndaky oýunda-da bellige alyndy.
Bu duşuşykda gol soňky minutlarda geçirilip, “Borussiýa” Donýell Maleniň 85-nji minutdaky goly bilen ýeňşini baýram etdi.
Italiýanyň “Ýuwentus” topary bolsa myhmançylykda “Lill” bilen duşuşyp, Fransiýadan 1 utuk bilen dolandy. Jonatan Dewidiň 27-nji minutdaky goluna italýan kluby 60-njy minutda Wlahowiçiň penaltiden salan goly bilen jogap berdi.