UEFA Çempionlar Ligasynda 6-njy duşuşyklaryň çäginde “Ýuwentus” öz meýdançasynda “Mançester Sitini” 2-0 hasabynda ýeňlişe sezewar etdi. Çekeleşikli geçen oýunda italýan klubunyň gollaryny 53-nji minutda Wlahowiç bilen 75-nji minutda MakKenni geçirdi.
Soňky 10 duşuşygynda diňe 1 gezek ýeňiş gazanan “Mançester Sitiniň” indiki duşuşygynyň ähmiýeti hasam artdy. Şäherliler geljek ýylyň 22-nji ýanwarynda öz meýdançasynda PSŽ-ni kabul eder.PSŽ üçinem 3 utugyň zerur boljak şol duşuşygyna janköýerler eýýämden sabyrsyzlyk bilen garaşyp başlady. “Mançester Siti” Çempionlar Ligasynda 3 oýundan bäri ýeňiş gazanyp bilenok.
“Benfika” bile “Bolonýanyň” arasyndaky oýunda-da hasap açylmady. “Bolonýa” 2-nji utugyny ýene bir ýola golsuz deňlik bilen gazandy. Bu utuk “Bolonýa” toparynyň azyndan pleý-offa galmak mümkinçiligini hem saklady.
Italiýada oýnalan başga bir oýunda “Milan” “San Siroda” “Srwena Zwezda” bilen duşuşyp, 2-1 hasabynda ýeňiş gazandy. “Milan” 3 utuk getiren gollary 42-nji minutda Rafael Leao bilen 87-nji minutda Tammi Abraham geçirdi. serb toparynyň ýeke-täk goluny bolsa 67-nji minutda Radonýiç derwezä girizdi. Utugyny 12-ä çykaran “Milan” 12-nji orunda barýar.