Siriýanyň paýtagty Damask bilen birlikde birnäçe şäherde ýer titremesi boldy
Türkiýäniň Kahramanmaraş welaýatynyň Pazarjyk etrabynda bolan 7,4 bal ululygynda ýer titremesi Siriýanyň Idlib, Halap, Hama, Latakiýe we Rakka welelaýatlarynda hem duýuldy.
Siriýanyň SANA habarlar gullugynyň berýän habaryna görä, ýer titremesinde häzire çenli azyndan 427 adam ýogaldy, ýüzlerçe adam ýaralandy
Halapda Asada tabynlykdaky güýçleriň gözegçiligi astyndaky Halap, Hama we Latakiýe welaýatlarynda ilkinji kesgitlemelere görä 237 adam ýogaldy, 639 adam ýaralandy.
Siriýanyň demirgazygynda oppozisionerleriň gözegçiligi astyndaky ýerlerde hem onlarça bina ýykyldy.
SANA-nyň berýän habaryna görä, Idlibde 100, Afrinde 70 we Halapda azyndan 20 adam ýogaldy.
Ýer titremesinden soň gözleg we halas ediş işleri dowam edýär.