Türkiyäniň, Russiýanyň we Eýranyň kepilliginde döredilen Siriýa temaly 22-nji Astana gepleşikleri Gazagystanyň paýtagty Astana şäherinde başlady.
Gepleşikler 2 gün dowam eder.
Gazagystanyň Daşary işler ministrliginden berilen beýanata görä, gepleşikleriň birinji gününde wekiliýetleriň arasynda ikitaraplaýyn we üçtaraplaýyn geňeşmeler geçiriler. Ikinji gün bolsa umumy maslahat geçiriler we metbugat ýygnagygy guralar.
Siriýa krizisine çözgüt tapmak maksady bilen emele getirilen Astana gepleşikleriniň 22-njisinde Siriýanyň töweregindäki sebit ýagdaýy, ýurtda giňişleýin çözgüt üçin tagallalar, ýurtdaky ynsanperwer we häzirki ýagdaý, taraplaryň arasynda ynamy artdyrýan çäreler, Siriýanyň täzeden dikeldilmegi we siriýaly bosgunlaryň öz watanlaryna dolanyp barmak şertleri ýaly meseleler maslahatlaşylar.
Iň soňky Astana gepleşikleri, şu ýylyň 24-25 ýanwar aralygynda Gazagystanyň paýtagty Astana şäherinde geçirilipdi.