Global derejede çiplere bolan islegiň ýokarlanmagy bu ugurdaky maýa goýumlaryny artdyrýar. TSMC kompaniýasy Singapurda täze önümçilik desgasyny açmagy maksat edinýär. Bu zawodda ozalky nesle degişli çipler öndüriler. Kompaniýa täze nesil çipleriň önümçiligine we has kämil görnüşleriniň işlenip taýýarlanmagyna aýratyn ähmiýet berýär. Singapurda guruljak desga üçin milliard dollar görkezijili maýa goýum özleşdiriler.
Kompaniýa soňky tehnologiýany talap edýän “Apple A15 Bionic” hem-de M1 çipleriniň ählisini öndürýär. Häzirki wagtda “Apple”-iň sargydy üçin 5nm çipleri öndürýän TSMC Singapurdaky zawodynda 7-28nm çiplerini öndürer.
Şeýle hem kompaniýa ABŞ-nyň Arizona ştatynda 12 milliard dollarlyk täze zawodyň gurluşygyny alyp barýar. Mundan başga-da kompaniýa “Sony”-nyň goldaw bermeginde Ýaponiýada hem bir zawod gurýar.
Gülnara Baýjanowa, Türkmen döwlet maliýe institutynyň talyby.