Silwio Berluskoniniň çagalary syýasat bilen meşgullanmakçy

Silwio Berluskoniniň çagalary syýasat bilen meşgullanmakçy

Italiýanyň öňki Hökümet başlygy, merhum Silwio Berluskoniniň çagalary öz kakalarynyň Öňe, Italiýa partiýasyny saýlawlarda ýeňşe getirmek üçin syýasata gelmek barada maslahatlaşýarlar diýip, Bloomberg neşiri habar berdi.

Habara görä, Berluskoniniň maşgalasy iýuldan bäri Italiýanyň Daşary işler ministrliginiň ýolbaşçysy Antonio Taýani hem-de Berluskoniniň döwründe ýurduň Hökümetiniň kätibi bolan Janni Letto bilen pikir alyşmalary geçirýär.

Eger Jorja Meloniniň hökümeti krizis düzgünine düşse hem-de hökümet boşlugy emele gelse, onda Berluskoniniň mirasdüşerleriniň biri meýdana çykar diýip, Rimdäki Lusi uniwersitetiniň syýasat fakultetiniň ýolbaşçysy Jowanni Orsina aýdýar.

Berluskoni aradan çykanyndan bäri geçen bir ýylyň dowamynda Öňe, Italiýa partiýasy has-da erjellik görkezýär.

Merhum syýasatçynyň mirasdüşerleri öz kakalarynyň ýöreden sagçymerkez ugruny ösdürmek mümkinçiligini görýärler, şunda bu ugruň liberal, internasional we progressiw bolmagy saýlawçylaryň has köpsanlysyny çekmäge mümkinçilik berer diýlip, habarda bellenýär.

Bu barada caliber.az internet neşiri ýazýar.

Ýene degişli makalalar

Şumaher, Fanhio, Wettel, Hamilton dagynyň hataryna goşuldy
Bloomberg: Hytaýda dünýäniň meşhur brendlerini ýerli arzan harytlar gysyp çykarýar
Teýlor Swift milliarderler boldy
Sagçy konserwatorlar ýeňiş gazandy
Ilon Mask bir günde 16 milliard dollaryny ýitirdi
Bezos milliarderleriň sanawynda Arnodan öňe geçdi