Russiýanyň Daşary işler ministri Sergeý Lawrow paýtagt Moskwa şäherinde geçiren metbugat ýygnagynda rus diplomatiýasynyň 2024-nji ýyldaky jemleri barada beýanat berdi.
Siriýadaky ýagdaýyň üstünde durup geçen Lawrow: "Ýakyn Gündogardan çykmaýarys. Siriýada käbir wakalar başdan geçirildi. Onuň sebäbi 10 ýylyň dowamynda syýasy tapgyryň ýuwaşladylmagy. Bir zatlary üýtgetmek islegi bardy" diýip belledi.
"ABŞ-nyň Siriýanyň gündogaryndaky territoriýany basyp alandygyny" aýdan Lawrow: "Şol sebitde nebit ýataklary bar. Şol sebitden alynýan girdejler, Siriýanyň demirgazyk-gündogaryndaky separatistik elementleri goldamak üçin ulanylýar" diýip nygtady.
Sergeý Lawrow Siriýadaky kürtlere "Damask bilen köpri ýola goýmaklary" barada teklip hödürländiklerini ýatladyp: "Olar muny islemediler.Olar ol ýerde amerikalylaryň boljakdygyny we ýarym döwlet gurjakdygyny aýdýardylar.Olara hemişe şuny aýtmaga synanyşdyk: Türkiye we Yrak Kürt döwletiniň gurulmagyna rugsat bermezler.
Kürtleriň hukuklarynyň Siriýada, Yrakda, Eýranda we Türkiyede ara alnyp maslahatlaşlmalydygy we goralmalydygy baradaky çemeleşmä eýerdik.Bir tarapdan bolsa Damask, beýleki tarapdan bolsa kürtler gepleşikler geçirmek islemeýärdi" diýip belledi.
Siriýa meselesi bilen bagly emele getirilen platformalaryň arasyndaky özara gatnaşyklaryň hem gowşak bolandygyny aýdan Sergeý Lawrow: "Şeýlelik bilen boşluk emele geldi we partlama başdan geçirildi. Hakykatlary kabul etmelidiris" diýip habar berdi.