Russiýanyň Daşary işler ministri Sergeý Lawrow paýtagt Moskwa şäherinde geçiren metbugat ýygnagynda rus diplomatiýasynyň 2024-nji ýyldaky işleri barada beýanat berdi.
Öňňin Ukrainanyň Türk Akymy tebigy gaz geçirijisini tebigy gaz bilen üpjün edýän Krasnodar sebitindäki kompressor stansiýasyna uçarmansyz howa ulaglary bilen hüjüm guramaga synanyşandygyny ýatladyp, ABŞ-nyň Türk Akymy taslamasyny hatardan çykarmaga synanyşýandygyny beýan etdi.
Lawrow: "ABŞ haýsydyr bir ugurda bäsdeş islemeýär, esasanam energiýa boýunça. ABŞ Ýewropa Bileleşiginiň energiýa ugrundaky durnuklylygynyň esasyny bozjak terrorçylykly aksiýalara rugsat berýär, Ukrainadaky dolanşygy Demirgazyk Akymdan soň indi bolsa Türk Akymy hem hatardan çykarmaga höweslendirýär" diýip habar berdi.
Rus ministri ABŞ-nyň we onuň ýaranlarynyň adalatly bäsdeşlikden ýüz öwürendigini we bäsdeşlerini agressiw usullar bilen basyp ýatyrmak syýasatyny alyp barýandygyny aýtdy.