Russiýanyň Daşary işler ministri Sergeý Lawrow, Hindistanyň Goa şäherinde geçirlen Şanhaý hyzmatdaşlyk guramasyna agza ýurtlaryň daşary işler ministrleriniň maslahatynyň çäginde Hindistanyň we Pakistanyň Daşary işler ministri bilen duşuşdy.
Russiýanyň Daşary işler ministrliginden berlen beýannamada, Lawrowyň Hindistanyň Daşary işler ministri Subrahmanýam Žaýşankar bilen bolan duşuşygynda özara gatnaşyklar we sebitara meseleler hakynda pikir alyşandygy nygtaldy.
Sergeý Lawowyň Pakistanly kärdeşi Bilawal Butto Zerdari bilen bolsa Owganystanda başdan geçirilýän soňky wakalar hakynda pikir alyşandygy bellenildi.
Beýannamada iki kärdeşiň şeýle hem Russiýa bilen Pakistanyň arasyndaky özara gatnaşyklar bilen sebitara we halkara meseleleri ara alyp maslahatlaşandygy ýatladyldy.
Hindistanyň Goa şäherinde geçirilýän Şanhaý hyzmatdaşlyk guramasyna agza ýurtlaryň daşary işler ministrleriniň maslahaty iki gün dowam eder.