Tennis boýunça möwsümiň 4-nji “Uly tuwulga” ýaryşy “Amerika Açykda” zenanlaryň arasyndaky finalçylar belli boldy.Amerikaly Serena Williams ýarym finalda latwiýaly Anastasiýa Sewastowany 2 setde 6:3 we 6:0 hasaplar bilen ýeňip, “Uly tuwulgalarda” 31-nji, “Amerika Açykda-da” 9-njy gezek finala çykdy.
Sentýabr aýynyň 26-syna 37 ýaşyna gadam basjak Serena Williams “Amerika Açykda” mundan ozal, 2001-nji we 2011-nji ýyllardaky finalda utulypdy. “Amerika Açykda” 7 gezek ýeňiş gazanan Serena Williamsyň karýerasynda 23 “Uly tuwulga” kubogy bar.
WTA-nyň sanawynda 17-nji hatarda barýan Serenanyň finaldaky garşydaşy-da ýaponiýaly Naomi Osaka bolar.Sanawda 20-nji basgançakda barýan 20 ýaşly Osaka ilkinji gezek “Uly tuwulgalarda” finalda çykyş eder. Ýaş tennisçi ýarym finalda geçen ýylyň finalçysy amerikaly Madison Kiýsi 6:2 we 6:4 hasaplar bilen ýeňmegi başardy.
Final duşuşygy şu gün ýary gije Aşgabat wagty bilen 01:00-da oýnalar.Zenanlaryň arasyndaky çärýek finalyň duşuşyklary: S.Williams Ka.Plişkowa 6:4, 6:3; S.
Stefens A.Sewastowa 2:6, 3:6; K.Suares Nawaro M.Kiýs 4:6, 3:6; N.Osaka L.Surenko 6:1, 6:1; Ýarym finalyň oýunlary: S.
Williams A.Sewastowa 6:3, 6:0; M.Kiýs N.Osaka 2:6, 4:6.