3-nji maýda prezident Serdar Berdimuhamedow sebitleriň ýolbaşçylary bilen iş maslahatyny geçirdi diýip TDH täzelikler gullugy maglumat berýär.
Ahal welaýatynyň häkimi Ýazmuhammet Gurbanow pagta ekişiniň tamamlanandygy, ýeralmanyň ýetişdiirilişi we pile önümçiligi şeýlede,dürli desgalaryň gurluşygy barada hasabat berdi.
Kiçi Berdimuhamedow sebit häkimlerine oragyň ýakynlaşýandygyny ýatladyp, kombaýnlary we awtoulaglary taýýarlamagy tabşyrdy.
Şeýlede ol “ýüpek gurçuklarynyň idegi boýunça işleri tizleşdirmegi berk tabşyrdy” we milli oba maksatnamanyň, ýurdyň 2019-2025-nji ýyllarda sosial-ykdysady ösüşi boýunça maksatnamanyň çäginde dürli desgalaryň gurluşugynyň gowşadylandygyny tekrarlady.
Milli oba hojalyk maksanamany durmuşa geçirmekde goýberilen kemçilikler üçin prezident häkim Gurbanowa käýinç yglan etdi we olary gysga wagtda düzetmegi tabşyrdy.
Daşoguzyň häkimi Nyýazmyrat Nyýazmyradowyň hasabatyndan soňra onuň şaly ösdürip ýetişdirmek we milli oba hojalyk maksatnamany durmuşa geçirmek boýunça işlerde goýberen kemçilikleri üçin oňa prezident käýinç yglan etdi.
Şeýlede milli oba hojalyk maksatnamany durmuşa geçirmekde goýberen kemçilikleri üçin Marynyň häkimi Döwranberdi Annaberdiýewe prezident Berdimuhamedow käýinç yglan etdi.
Häkimleriň hasabatyndan soňra wise-premýer Orazgeldiýew çykyş etdi. Ol hem käbir oba hojalyk işler, şeýlede Mary we Lebap welaýatlarynda ýüpekçi-kärendeçileriň pile tabşyryp başlandyklary barada gürrüň berdi.
Prezident pagta ösdürip ýetişdirmek boýunça şertnamadaky borçnamalary ýerine ýetirmegi, hasyly parazitlerden goramagy şeýlede galla ösdürip ýetişdirmekdäki işleri işjeňleşdirmegi talap etdi.
Ýatlatsak, milli oba hojalyk maksatnamanyň ýerine ýetirijilişine nägileligini öňki prezident Gurbanguly Berdimuhamedow hem az aýtmandy.The post Serdar Berdimuhamedow üç sebitiň ýolbaşçysyna käýinç yglan etdi first appeared on Türkmenistanyň Hronikasy.