Türkmenistanyň Prezidenti Serdar Berdimuhamedow çarşenbe güni geçirilen Döwlet howpsuzlyk geňeşiniň nobatdaky mejlisinde “Türkmenistanyň kazyýetleriniň kazylaryny wezipä bellemek we wezipeden boşatmak hem-de olara hünär derejelerini bermek hakynda” Permana gol çekdi.
Türkmenistanyň resmi metbugatynyň habar bermegine görä, Türkmenistanyň döwlet Baştutany ýurduň Ýokary kazyýetiniň başlygy Begenç Hojamgulyýewe kazyýet edaralaryna aň-düşünjeli, arassa ahlakly, işbaşarjaň, halal işgärleri saýlap-seçip almagy tabşyrdy.
Bu Perman “Kazyýet hakynda” Türkmenistanyň Kanunynyň 54-nji, 56-njy, 72-nji we 83-nji maddalaryna laýyklykda kabul edildi.
Resminama laýyklykda, Rahman Joragulyýewiç Hojiýew Mary welaýatynyň Mary şäher kazyýetiniň başlygy wezipesine, Ogulnabat Döwletmyradowna Sähetmyradowa Aşgabat şäheriniň Bagtyýarlyk etrap kazyýetiniň kazysy wezipesine, Illi Pirmuhammedowiç Annaýew Ahal welaýatynyň Ak bugdaý etrap kazyýetiniň kazysy wezipesine, Öregeldi Ýusupowiç Amanjanow Mary welaýatynyň Sakarçäge etrap kazyýetiniň kazysy wezipesine, Döwran Ýagmyrowiç Altyýew Mary welaýatynyň Mary etrap kazyýetiniň kazysy wezipesine, Ogulsuraý Borjakowna Baýramsähedowa Aşgabat şäheriniň Berkararlyk etrap kazyýetiniň administratiw we ýerine ýetiriş önümçiligi boýunça kazysy wezipesine bellenildi.
Şeýle hem Türkmenistanyň Prezidenti Jennet Ýakubowna Baýramowany Ahal welaýatynyň Tejen etrap kazyýetiniň administratiw we ýerine ýetiriş önümçiligi boýunça kazysy wezipesine, Merdan Alymowiç Alymowy Balkan welaýatynyň Balkanabat şäher kazyýetiniň administratiw we ýerine ýetiriş önümçiligi boýunça kazysy wezipesine, Enwer Bagtyýarowy Daşoguz welaýatynyň Daşoguz şäher kazyýetiniň administratiw we ýerine ýetiriş önümçiligi boýunça kazysy wezipesine, Öwezdurdy Süleýmanowiç Ataýewi Lebap welaýatynyň Darganata etrap kazyýetiniň administratiw we ýerine ýetiriş önümçiligi boýunça kazysy wezipesine bellemek hakynda Permana gol çekdi.
Mundan başga-da, Gülröwşen Hemraýewna Annaýewa ygtyýarlyk möhletiniň tamamlanandygy sebäpli, Daşoguz welaýatynyň Görogly etrap kazyýetiniň kazysy wezipesinden, Rozymyrat Durdyweliýewiç Hudaýberdiýew ygtyýarlyk möhletiniň tamamlanandygy sebäpli, Mary welaýatynyň Sakarçäge etrap kazyýetiniň kazysy wezipesinden, Şöhrat Dädebaýewiç Weljikow ygtyýarlyk möhletiniň tamamlanandygy sebäpli, Lebap welaýatynyň Dänew etrap kazyýetiniň administratiw we ýerine ýetiriş önümçiligi boýunça kazysy wezipesinden, Rustam Hamraýewiç Atajanow bolsa Mary welaýatynyň Mary şäher kazyýetiniň başlygy wezipesinden boşadyldy.
Şeýle-de birnäçe kazylara 5-nji hünär derejesi berildi.