Türkmenistanyň Prezidenti Serdar Berdimuhamedow Litwa Respublikasynyň Prezidenti Gitanas Nauseda we ýurduň ähli halkyna Litwa döwletiniň dikeldilen güni mynasybetli tüýs ýürekden gutlaglaryny, iň gowy arzuwlaryny iberdi. Bu barada TDH habar berýär.
Bellenilişi ýaly, türkmen döwletiniň Baştutany, mümkinçilikden peýdalanyp, Prezident Gitanas Nauseda tüýs ýürekden berk jan saglyk, bagtyýarlyk, Litwa Respublikasynyň ähli halkyna bolsa parahatçylyk, mundan beýläk-de ösüş hem-de rowaçlyk arzuw etdi.
Litwa döwletiniň dikeldilen güni 16-njy fewralda bellenilip geçilýär we esasy döwlet baýramçylyklarynyň biridir.
Bu günde köp sanly çäreler — ýurduň ýokary derejeli işgärleriniň çykyşlary, Litwa Respublikasynyň Prezident köşgünde döwlet baýraklaryny gowşurmak dabarasy, dürli konsertler, dabaralar we beýleki baýramçylyk çäreleri geçirilýär.