Şu gün Türkmenistanyň Prezidenti Serdar Berdimuhamedow Ministrler Kabinetiniň sanly ulgam arkaly mejlisini geçirdi. Mejlisiň barşynda türkmen Lideri Ministrler Kabinetiniň Başlygynyň orunbasarlarynyň oňyn iş tejribelerini göz öňünde tutup, olary bu jogapkärli wezipelere gaýtadan belledi.
Watan habarlar gepleşiginde habar berlişi ýaly, Türkmenistanyň Hökümetiniň täze düzümi şundan ybarat:
Muhammetguly Muhammedow ykdysadyýet, bank we halkara maliýe guramalary boýunça Ministrler Kabinetiniň Başlygynyň orunbasary;
Sapardurdy Toýlyýew ylym-bilim, saglygy goraýyş, sport we beýleki guramalar boýunça Ministrler Kabinetiniň Başlygynyň orunbasary;
Mährijemal Mämmedowa medeniýet we köpçülikleýin habar beriş serişdeleri boýunça Ministrler Kabinetiniň Başlygynyň orunbasary;
Şahym Abdrahmanow nebitgaz meseleleri boýunça Ministrler Kabinetiniň Başlygynyň orunbasary;
Esenmyrat Orazgeldiýew oba hojalyk meseleleri boýunça Ministrler Kabinetiniň Başlygynyň orunbasary;
Çarymyrat Pürçekow gurluşyk toplumy boýunça Ministrler Kabinetiniň Başlygynyň orunbasary;
Çary Gylyjow söwda toplumy boýunça Ministrler Kabinetiniň Başlygynyň orunbasary;
Mämmethan Çakyýew Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory;
Raşid Meredow Ministrler Kabinetiniň Başlygynyň orunbasary, daşary işler ministri.
Çary Amanow Ministrler Kabinetiniň Başlygynyň orunbasary, Döwlet Howpsuzlyk geňeşiniň sekretary.
Türkmenportal habarlar portalynda ozal habar berşimiz ýaly, 19-njy martda Türkmenistanyň Prezidenti Serdar Berdimuhamedow Türkmenistanyň Konstitusiýasynyň 92-nji maddasyna hem-de Ministrler Kabineti hakyndaky Türkmenistanyň Kanunynyň 7-nji maddasyna laýyklykda, Karara gol çekdi.
Resminama laýyklykda, Türkmenistanyň Ministrler Kabineti degişli düzümde Türkmenistanyň täze saýlanan Prezidenti Serdar Berdimuhamedowyň öňünde öz ygtyýarlyklaryny tabşyrdylar.Ygtyýarlyklaryny tabşyran Türkmenistanyň Ministrler Kabinetiniň agzalary Türkmenistanyň Ministrler Kabinetiniň täze düzümi düzülýänçä öz wezipe borçlaryny ýerine ýetirmegi dowam etmäge borçly edilipdi.
Şeýle-de, okaň!