Saud Arabystanynda göwrümi 20 sany “Empire State” binasyna barabar boljak kub görnüşli äpet bina gurlar. “Mukaab” atly binanyň her tarapy 400 metre ýeter. Şeýlelikde binanyň umumy ölçegi hasaba alnanda dünýäniň iň uly gurluşy bolar.
Paýtagt Er-Riýadyň çäginde guruljak bina şäheriň täze ilatly nokady boljak “New Murabba”-nyň merkezinde ýerleşer.Taslamany durmuşa geçirýän “New Murabba Development Co.” kompaniýasy jaýyň gurluşygynyň amala aşyryljak ýerinde 10 million kubmetrden gowrak ýeri gazypdyr.
Kompaniýanyň ýolbaşçysy Maýkl Daýk geljek ýyl binanyň töwereginde guruljak güýmenje desgalarynyň, bilim edaralarynyň, saglygy goraýyş merkezleriniň we 45 müň orunlyk stadionyň gurluşygy üçin şertnama baglaşylmaga garaşylýandygyny aýtdy.Bu ýerde 400 müňden gowrak ilat ýaşar.
Taslamanyň birinji tapgyrynyň 2030-njy ýyla çenli tamamlanmagyna garaşylýar.Bu ýerde 8 müň töweregi öý bolup, 35 müň ýaşaýja niýetlenendir.