Saud Arabystanynda dünýäde kub görnüşli iň uly gökdiräniň gurluşygyna taýýarlyk işlerine girişildi diýip, Bloomberg neşirine salgylanýan Gazeta.ru ýazýar.
Bina Mukaab diýlip atlandyrylyp, onuň uzynlygy we boýy 400 metre deň bolar. Bina dünýäde tutuşlygyna ýapyk we gümmezli gökdirän bolmak bilen, onuň ýüzünde golografiki şekiller görkeziler, myhmanlar onuň üsti bilen myhmanhananyň binasyndan dünýädäki dürli ýerlere hyýaly syýahat edip bilerler.
Binanyň töwereginde göwün açyşlyklar ýerleri, bilim edaralary, lukmançylyk merkezleri we 45 müň adamlyk stadion gurlar. Haýran galdyryjy toplumyň gurluşygyny 2030-njy ýylda tamamlamak isleýärler.