“Google”-a eýeçilik edýän “Alphabet” kompaniýasynyň satuwy şu ýylyň birinji çärýeginde 23 göterim artypdyr. Degişli döwürde kompaniýanyň satuwy 68 milliard dollardan gowrak bolupdyr. Geçen ýylyň degişli döwründe bu görkeziji 55,3 milliard dollar bolan eken.
“Youtube”-daky mahabatlardan 6,9 milliard dollar girdeji gazanylypdyr. Emma bu görkeziji garaşylýan girdejiden (7,5 milliard dollar) pes bolupdyr.
Üç aýyň dowamynda arassa peýda 16,44 milliard dollar bolupdyr. “Alphabet” geçen ýylyň degişli döwründe 17,9 milliard dollar arassa peýda gazanypdyr. Her paýnamadan 24,62 dollar peýda gazanylypdyr. 2021-nji ýylyň birinji çärýeginde bu görkeziji 26,3 dollar bolupdyr.
Dursunjemal Sabyrowa,
S.A.Nyýazow adyndaky Türkmen oba hojalyk uniwersitetiniň talyby