Sarayan HJ ýaş aýdymçy Ibragim Ibadowyň Duman atly aýdymynyň klipine gatnaşdy.
Bu taslama Ibragim üçin hem, Sarayan hem üçin täze tapgyra öwrüldi.
24 ýaşly Ibragim Ibadow Check and Keyfdəyəm atly hit aýdymlary bilen Türkmenistanda tanalýan geljegi uly aýdymçy. Onuň kliplerine YouTube-da 100 000-e çenli tomaşa edilýär.
Ibragim Türkmenistanda ýerli mahabaty aýdym-saz kliplerine girizip başlan ilkinji aýdymçylaryň biridir. Ol Sarayan HJ-niň iş eşikleriniň ýük awtoulagynda daşalýandygyny görkezmek bilen, Duman atly aýdymyna mahabaty girizdi.
Şeýlelikde, Ibragim aýdym-saz kliplerinde mahabat integrasiýasynyň mümkinçiliklerini görkezmek isledi. Bu artistlere öz pikirlerini durmuşa geçirmäge, telekeçilere bolsa öz kompaniýasyny ýa-da önümini tanatmaga mümkinçilik berýär.
Sarayan-yň meniň taslamamy goldaýandygyna begenýärin. Bu hyzmatdaşlyk meniň üçin täze tejribe boldy we ol iki tarap üçinem netijeli bolar diýip umyt edýärin diýip, Ibragim belledi.
Duman klipi eýýäm YouTube-da elýeterlidir.