2023-nji ýylyň sambo boýunça dünýä çempionatyny Müsür kabul eder diýip, Sambonyň halkara federasiýasynyň (FIAS) metbugat gullugy habar berýär.
Degişli karar Sambonyň halkara federasiýasynyň ýerine ýetiriji komitetiniň agzalary tarapyndan kabul edildi.Turnir 2023-nji ýylyň 10-12 noýabry aralygynda geçer.Halkara senenamasynyň taslamasyna laýyklykda, Ýewropanyň sambo boýunça çempionaty we ýaşlar birinjiligi aprel aýynda Ysraýylda birbada birnäçe ýaş kategoriýalary boýunça geçer: kadetler, ýetginjek oglanlar we gyzlar, ýunior oglanlar we gyzlar, şeýle hem ulular: erkekler, aýallar we söweş sambosy. 2023-nji ýylyň kenar sambosy boýunça dünýä çempionaty Dominikan Respublikasynda awgust aýynda geçer. Şol wagtda Dominikan Respublikasynda Panamerikanyň çempionaty hem bolar. 2023-nji ýylyň Afrika çempionaty maý aýynda Marokkoda geçer.
Iýun aýynda Aziýanyň we Okeaniýanyň çempionaty geçer, turniriň geçiriljek ýeri — Gazagystan. 2023-nji ýylda üç sany Dünýä çempionatyny geçirmek meýilleşdirilýär.Olar Dominikan Respublikasynda, Gyrgyzystanda we Serbiýada geçer. Şeýle hem ýylyň dowamynda dürli ýurtlarda yklym kuboklary we halkara turnirler geçiriler.