11-nji noýabrda Özbegistanyň Samarkant şäherinde Türki döwletleriň guramasynyň (TDG) döwlet Baştutanlarynyň sammiti öz işine başlar. Özbegistan Respublikasynyň Prezidenti Şawkat Mirziýoýewiň başlangyjy bilen guralýan Prezident derejesindäki maslahata Türkiýe, Azerbaýjan, Gyrgyzystan we Gazagystan ýaly ýurtlaryň wekiliýetleri gatnaşarlar.
Synçy ýurt derejesine eýe bolan Wengriýa sammite Premýer-ministr derejesinde gatnaşar.Biziň ýurdumyza Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow wekilçilik eder diýlip garaşylýar.
Sammite Türki döwletleriň guramasynyň baş sekretary Bagdad Amreýew gatnaşar. Sammitiň gün tertibinde “Türki siwilizasiýasynyň täze döwri: umumy ösüş we gülläp ösüş ýolunda” atly mowzuk boýunça möhüm meseleler ara alnyp maslahatlaşylar.
Sammite gatnaşyjylar agza döwletler bilen synçy döwletleriň arasyndaky hyzmatdaşlygyň esasy ugurlary barada, şeýle hem sebitdäki we onuň çäklerinden daşardaky syýasy we ykdysady ösüşler barada pikir alşarlar. Sammitiň dowamynda ýolbaşçylar birnäçe karar kabul ederler, şeýle-de ykdysadyýet, söwda, ulag we gümrük ugurlaryndaky taslamalara we resminamalara serederler. Sammitiň ahyrynda guramanyň başlyklygy Türkiýeden Özbegistana geçirilip, Samarkant Jarnamasy kabul ediler.
Azerbaýjan, Gazagystan, Gyrgyzystan, Türkiýe we Özbegistan bu guramanyň agzalary bolup, Wengriýa bilen Türkmenistan synçy derejesine eýe.