Russiýanyň iri awiakompaniýalarynyň biri bolan S7 Airlines Aşgabat şäherindäki Türkmenistanyň Söwda-senagat edarasynda geçirilýän Halkara ulag-üstaşyr geçelgeleri: özara arabaglanyşyk we ösüş — 2024 (ITTC-2024) atly halkara sergisine gatnaşýar.
Kompaniýa sergide uçuşlary amala aşyrýan esasy ugurlary we ýygy-ýygydan saparda bolýan ýolagçylar üçin nýetlenilen amatly hyzmatlary bilen tanyşdyrýar.
S7 Airlines awiakompaniýasynyň pawilýonynda myhmanlar petekleri öňünden sargyt etmek, ýörite teklipler we täze ugurlar barada maglumat alyp bilerler. Mundan başga-da, kompaniýanyň wekilleri türkmen bazaryndaky gyzyklanma bildirýän taraplar bilen hyzmatdaşlygyň geljegi barada gepleşikleri geçirmäge taýýardyr.
Ýeri gelende bellesek, S7 Airlines Skytrax reýtinginde Gündogar Ýewropanyň iň öňdebaryjy awiakompaniýalarynyň ilkinji üçlügine girýär. Dünýä reýtinginde bolsa bu awiakompaniýa 16-njy orny eýeleýär.
S7 Airlines awiakompaniýasynyň Aşgabatdaky edarasy Türkmenistanyň Gahrymany A.Nyýazow köçesiniň 174-nji jaýynda ýerleşýär.