Ukrainanyň Prezidenti Wladimir Zelenskiý sosial media hasabyndan beren beýanatynda, Russiýanyň Ukrainanyň Zaparožýe sebitine ugrukdyryjy bombalar bilen hüjüm gurandygyny mälim etdi.
Wladimir Zelenskiý beýanatynda: "Häzirki wagtda onlarça adamyň ýaralanandygy anyk. Her kime zerur bolan kömek berilýär. Gynansagam 13 adam ýogaldy. Ýogalanlaryň maşgalalaryna we dogan-garyndaşlaryna gynanç bildirýärin. Ýogalan adamlaryň sany artyp biler" diýip belledi.
Zaparožýe sebitiniň Harby dolanşygynyň başlygy Iwan Federow sosial media hasabyndan beren beýanatynda, Rus goşunynyň sebitdäki senagat infrastrukturalarynyň birine hüjüm gurandygyny belläp, hüjümde ýaralanan 30 adamyň sebitdäki hassahanalarda bejergi astyna alynandygyny aýan etdi.
Ukrainanyň Prezident ofisiniň başlygy Andriý Ýermak hem sosial media hasabyndan Zaparožýe garşy guralan hüjüme rekasiýa bildirip: "Russiýa ýene-de asuda ilata hüjüm guraýar" diýip aýtdy.