Tokioda geçiriljek Olimpiýa oýunlaryna Russiýadan 335 türgen ugradylar. Bu barada Russiýanyň Olimpiýa komitetiniň başlygy Stanislaw Pozdnýakowyň sözlerine salgylanyp, smotrim.ru habar berýär.
Russiýanyň Olimpiýa komitetiniň başlygy Stanislaw Pozdnýakow Tokioda geçiriljek tomusky Olimpiýa oýunlaryna gatnaşjak Russiýanyň Olimpiýa ýygyndysynyň düzümine 335 türgeniň girendigini habar berdi.
30-njy iýunda bolsa Russiýa Federasiýasynyň Prezidenti Wladimir Putin ýurduň adyndan Tokio Olimpiadasynda çykyş etjek türgenler bilen duşuşdy. kremlin.ru saýtynda habar berlişi ýaly, duşuşyk Uly Kreml köşgüniň Georgiý zalynda geçirilip, oňa türgenler hem-de olaryň tälimçileri gatnaşdylar.