Russiýada birnäçe iş ugurlary boýunça hünärmenleriň ýetmezçiligi soňky bäş ýylyň dowamyndaky iň ýokary derejesine ýetendigi bellenilýär diýip, MIR 24 portaly Headhunter iş gözlegi kompaniýasynyň saýtynda berlen maglumata esaslanyp habar berýär.
Häzirki wagtda Russiýada, esasan, gurluşykçylar, ýükçüler, abatlaýyş işleri boýunça hünärmenler, kärhana işgärleri, ammarçylar, sowal-jogap gulluklarynyň hünärmenleri, barmenler, çaparlar (kurýerler), sürüjiler, slesarlar we satyjylar ýiti ýetmezçilik edýär.
Headhunter kompaniýasynyň wekiliniň bellemegine görä, hh.ru saýtynda iş ugurlaryna dalaşgärleriň ýetmezçiligi aýdyň görünýär iş gözleýänleriň sanyndan boş iş orunlarynyň sany has köp.
Ýokarda agzalan hünärler Russiýada uzak bolmadyk möhletiň dowamynda talap ediler. Şeýle hem kärhanalara we edaralara elektromontažçylar, gaplaýjylar, toplaýjylar we dürli ugurly işçiler gerek bolar. Ýokary zähmet haky tölenýän hünärleriň (145 müň rubldan başlanýan) sanawyna awtoslesarlar, maşinistler, tokarlar, kebşirleýjiler we frezerçiler girýärler.