Russiýanyň Ukrainanyň Harkow şäherinde bir bina guran hüjüminde 1 çaga ýogaldy, 34 adam ýaralandy.
Ukrainanyň Prezidenti Wladimir Zelenskiý, düýn gije sosial mediadan beren habarnamasynda, Russiýanyň Harkow şäherinde 9 gatly bina takyk gönükdirlen bomba bilen hüjüm gurandygyny nygtady.
Zelenskiý hüjümde çagalar bilen birlikde köp sanly adamyň ýaralanandygyny belledi.
Harkowyň häkimi Oleg Sinegubow sosial mediadan beren habarnamasynda, rus goşunynyň Harkowda bir bina guran hüjüminde 12 ýaşyndaky çaganyň ýogalandygyny, 34 adamyň hem ýaralanandygyny ýatlatdy.
Sinegubow hüjümden soň başlan gözleg we halas ediş işleriniň dowam edýändigini belledi.
Ukrainanyň Howa güýçleri serkerdeliginden berlen beýannamada bolsa Russiýanyň düýn gije 8 sany X59/69 görnüşli raketa, 2 İskender M balistiki raketa we 43 Şahed kysymly uçarmansyz howa ulagy bilen Ukraina hüjüm gurandygy nygtaldy.
Beýannmada, Ukrainanyň howa goranyş ulgamlarynyň 17 sany uçarmansz howa ulagy bilen 2 sany X59/69 görnüşli raketany hatardan çykarandygy bellenildi.