Russiýanyň Daşary işler ministri Sergeý Lawrow, katolikleriň ruhani lideri we Watikanyň döwlet Ýolbaşçysy Papa Fransiskiň, Ukraina söweşiniň parahatçylykly ýagdaýda bes edilmegi üçin ýörite bellän wekili kardinal Matteo Zuppi bilen duşuşdy.
Russiýanyň Daşary işler ministrliginden berlen beýannama görä, Lawrow, Russiýada saparda bolan İtaliýanyň Episkoposlar konferensiýasynyň başlygy we Papanyň ýörite wekili kardinal Zuppi bilen paýtagt Moskwada duşuşdy.
Duşuşykda, Ukrainada 2022-nji ýylyň fewral aýyndan bäri dowam edýän çaknyşyklar ara alnyp maslahatlaşyldy.
Özara gatnaşyklar hakynda hem pikir alyşan Lawrow bilen Zuppi, Russiýa bilen Watikanyň arasyndaky oňyn atmosfera kanagatlanma bildirdi.