Awstriýanyň Gras şäherinde geçirilen figuralaýyn typmak boýunça Ýewropa çempionatynda russiýaly türgenler öňe saýlandy.Olar altyn medallaryň hemmesini hem-de kümüşdir bürünç medallaryň birinden galanyny almagy başardylar.
Erkekleriň arasyndaky ýaryşda russiýaly Dmitriý Aliýew altyn, watandaşy Artur Danielian kümüş, gruziýaly Morisi Kwiteşwili bürünç medala mynasyp boldy.Zenanlaryň arasyndaky bäsleşikde 3 medaly-da russiýaly gyzlar alyp, Alýona Kostornaýa 1-nji, Anna Şerbakowa 2-nji, Aleksandra Trusowa 3-nji ýeri eýeledi.
Jübütleriň arasyndaky ýaryş çekeleşikli geçip, münberiň 3 basgançagyna-da russiýaly türgenler çykdy.Aleksandra BoýkowaDmitriý Kozlowski, Ýewgeniýa TarasowaWladimir Morozow hem-de Dariýa PawlýuçenkoDenis Hodykin degişlilikde, altyn, kümüş we bürünç medallara mynasyp boldular.
Buzda tans ýaryşynda altyn medaly russiýaly Wiktoriýa Sinisina bilen Nikita Kasalapow ikisi eýeledi.Mundan öňki 5 ýaryşyň çempionlary fransiýaly Gabriella Papadakis bilen Giýom Sizeron ikisi bu gezek kümüş medal bilen oňňut etmeli boldular.
Russiýaly Aleksandra Stepanowa bilen Iwan Bukin bürünç medal gazandylar.