Russiýa Federasiýasynyň Tatarystan Respublikasynyň Naberežnoçelninskiý döwlet mugallymçylyk uniwersitetiniň mugallymlary türkmen ýokary okuw mekdeplerindäki kärdeşleri üçin hünär kämilleşdiriş sapaklaryny geçerler. Bu barada RF-iň Türkmenistandaky ilçihanasynyň birinji sekretary Ýuliýa Zaýsewanyň sözlerine salgylanyp, TASS habar berýär.
18 — 26-njy noýabr aralygynda geçiriljek hünär kämilleşdiriş maksatnamasy matematika, mekdebe çenli bilim, rus dili we edebiýaty, psihologiýa we beýleki birnäçe ugurlary öz içine alýar.
Çeşmäniň bellemegine görä, bu maksatnama bilim edaralarynyň, Aşgabat we Arkadag şäheriniň, şeýle-de ýurduň sebitleriniň mugallymçylyk mekdepleriniň, Magtymguly adyndaky TDU-nyň, D.Azady adyndaky TMDDI-niň, S.Seýdi adyndaky TDMI-niň hem-de Türkmenistanyň Döwlet bedenterbiýe we sport institutynyň wekilleri gatnaşarlar.
Ýeri gelende bellesek, Naberežnoçelninskiý döwlet mugallymçylyk uniwersitetiniň mugallymlary tarapyndan türkmenistanly bilim işgärleri üçin hünär kämilleşdiriş sapaklary 2023-nji ýylda hem geçirilipdi. Onuň jemleri boýunça türkmen mugallymlaryna degişli şahadatnamalar gowşurylypdy.