Dünýä derejesinde täze görnüş koronawirus epidemiýasy (Kowid-19) sebäpli ýogalanlaryň sany 2 million 352 müň 880 adama, wirusa ýoluganlaryň sany 107 million 469 müň adama, saglyk ýagdaýy gowulaşanlaryň sany bolsa 79 million 400 müň adama ýetdi.
Hindistanda koronawirus epidemiýasy sebäpli ýogalanlaryň sany soňky 24 sagatda 85 adam artyp, jemi 155 müň 280 adama ýetdi. Ýurtda wirusa ýoluganlaryň sany bolsa 10 müň 510 adamlyk artyş bilen jemi 10 million 858 müň 300 adama ýetdi.
Russiýada koronawirus epidemiýasy sebäpli ýogalanlaryň sany soňky 1 günde 536 adamlyk artyş bilen 78 müň 134 adama ýetdi. Ýurtda wirusa ýoluganlaryň sany bolsa soňky 1 günde 14 müň 494 adam artyp, 4 million 12 müň adama ýetdi.
Tunisde Kowid-19 epidemiýasy sebäpli ýogalanlaryň sany 7 müň 332 adama, wirusa ýoluganlaryň sany bolsa 218 müň 753 adama ýetdi.
Liwanda ýurdyň Saglygy goraýyş ministrliginiň berýän habaryna görä Kowid-19 epidemiýasy sebäpli ýene-de 60 adam ýogaldy we ýurtda adam ýitgisi şeýlelik bilen 3 müň 737 adama ýetdi. Ülkede wirus ýokanlaryň sany bolsa 2 müň 879 adamlyk artyş bilen 324 müň 859 adama ýetdi.
Marokkonyň saglygy goraýyş ministrliginden berilen ýazmaça beýanata görä, koronawirus sebäpli ýogalanlaryň sany soňky 1 günde 16 adamlyk artyş bilen 8 müň 424 adama ýetdi. Ýurtda wirusa ýoluganlaryň sany bolsa 536 adamlyk artyş bilen jemi 476 müň 125 adama ýetdi.
Mýanmada epidemiýa sebäpli şu günki güne çenli jemi 3 müň 180 adam ýogaldy we 141 müň 448 adam hasaba alyndy.
Oxford Üniwersitedi we AstraZeneka kärhanasy tarapyndan bilelikde öndürilen Kowid-19 sanjymynyň ulanylmagyny wagtlaýyn bes eden Günorta Afrika Respublikasy, 1-nji faza sanjym tapgyrynda ABŞ-nyň Johnson & Johnson kärhanasy tarapyndan oýlanyp tapylan sanjymlary ulanar.
Saglygy goraýyş ministri Zweli Mkhize Johnson & Johnson kärhanasy tarapyndan oýlanyp tapylan sanjymyň ýurtda hasaba alynan we B.1.351 diýip atlandyrylan koronawirusyň mutasiýa sezewar bolan görnüşine garşy täsirlidigini beýan etdi.
Günorta Afrika Respublikasynda koronawirus epidemiýasy sebäpli ýogalanlaryň sany 46 müň 869 adama, wirusa ýoluganlaryň sany bolsa 1 million 479 müň 253 adama ýetdi.
Kambojada Hytaý tarapyndan berilen 1 million dozalyk koronawirus sanjymy bilen global sanjym işleri başladyldy.