Dünýä derejesinde koronawirus epidemiýasy sebäpli ýogalanlaryň sany 2 million 328 müň 488 adama, wirusa ýoluganlaryň sany 106 million 735 müň adama, saglyk ýagdaýy gowulaşanlaryň sany bolsa 78 million 436 müň adama ýetdi.
Hindistanda koronawirus epidemiýasy sebäpli ýogalanlaryň sany soňky 24 sagatda ýene-de 50 adam artyp jemi 155 müň 114 adama ýetdi. Ülkede wirusa ýoluganlaryň sany bolsa 4 müň 109 adamlyk artyş bilen 10 million 838 müň adama ýetdi.
Russiýada koronawirus sebäpli ýogalanlaryň sany soňky 1 günde 407 adamlyk artyş bilen, 77 müň 68 adama ýetdi. Ýurtda wirusa ýoluganlaryň sany 15 müň 916 adamlyk artyş bilen 3 million 983 müň adama ýetdi.
Şu günki güne çenli 474 adamyň Kowid-19-a ýolugan Kamboja döwletine, Hytaý tarapyndan 600 müň doza Sinopharm sanjymy berildi.
Koronawirus epidemiýasy sebäpli 2 müň 413 adamyň ýogalan, 55 müňden gowrak adamyň wirusa ýolugan Owganystanda, Oksford uniwersitedi bilen AstraZeneca derman kärhanasy tarapyndan oýlanyp tapylan Kowid-19 sanjymlaryndan Hindistanyň Serum instituty tarapyndan öndürilen 500 müň doza sanjym, düýn Kabulyň Hamid Karzai howa menziline baryp ýetdi.
Koronawirus sebäpli şu günki güne çenli 5 müň 121 adamyň ýogalan Ysraýylda wirusa ýoluganlaryň sany 692 müň adama ýetdi.
Epidemiýa sebäpli ýogalanlaryň sany Tunisde 52 adamlyk artyş bilen 7 müň 214 adama, Liwanda 54 adamlyk artyş bilen 3 müň 616 adama ýetdi.
Katar Kowid-19 sanjymynyň we lukmançylyk kömekleriniň paýlanşygy meselesiniň syýasylaşdyrylmazlygy barada çagyryş berdi. Katarda koronawirus sebäpli ýogalanlaryň sany 250 adama, wirusa ýoluganlaryň sany bolsa 154 müň 98 adama ýetdi.
Günorta Afrikada 46 müň 290 adam koronawirus sebäpli ýogaldy. Ýurtda 1 million 476 müň 135 adam bolsa Kowid-19-a ýolukdy. Saglygy goraýyş ministri Aweli Mkhize, Oksford uniwersitedi bilen AzstraZeneka kärhanasy tarapyndan bilelikde öndürilen koronawirus epidemiýasyna garşy sanjymyň ulanylmagynyň wagtlaýyn bes edilendigini habar berdi.