Russiýanyň Goranmak ministrliginden berilen beýanatda Russiýanyň Baş ştabynyň başlygy Waleriý Gerasimowa Russiýanyň Harby howa-kosmos güýçleri tarapyndan berilen habarnamada 4 ukrain ballistik raketasynyň täsirsiz ýagdaýa getirilendigi aýan edildi.
Ukrainanyň düýn S-200 raketalary bilen Krym, Rostow we Kaluga sebitlerindäki nyşanalara hüjüm guramaga synanyşandygy we Russiýanyň howa goranyş ulgamlarynyň şol hüjümleriň öňüni alandygy bellenen beýanatda: "Howa goranyş raketa ulgamlarymyz 2 sany S-200 raketany, elektron harby ulgamlarymyz bilen bolsa ýene-de 2 raketany täsirsiz ýagdaýa getirdi. Adam pidalary we ýitgi çekilmedi" diýip habar berildi.
Beýanatda Gerasimowyň iň gysga wagtda howa hüjümlerine garşy goranyşy güýçlendirmek üçin goşmaça çäreleriň görülmegi barada görkezme berendigi beýan edildi.