Ukrainanyň rus diplomadynaa garşy ýöňkelen günäkärlemeleriň esassyzdygy bellenen beýanatda: "Russiýanyň Daşary işler ministrligi, Ukrainanyň dostlukly bolmaýan ädimini protest edýär" diýip habar berildi.
Russiýada Ukrainanyň Sankt-Peterburg şäherindäki Konsuly Aleksandr Sososnýukyň gizlin resminamalary ele salandygy sebäpli göz tussaglygyna alynandygy we ýurdy terk etmeginiň islenendigi ýatladylan beýanatda: "Kiýew, rus diplomady islenmeýän adam hökmünde yglan etmegi bilen baglanşykly notany şoňa jogap hökmünde bermäge synanyşdy. Bu hereket hiç hili ýagdaýda kabul edilmez" diýip aýan edildi.
Sosonýukyň Russiýada bikanun işler edendigi öňe sürülen beýanatda: "Russiýanyň Daşary işler ministrligi, rus diplomadyň Ukrainadan çykarmagyny simmetrik bir hereket hökmünde kabul edilmez we Ukrainanyň rus ilçihanasynda işleýän diplomatlaryň birine garşy eden ädimlerine garşy berjek jogabyny enteklikçe özünde saklaýar" diýip bellendi.
Russiýanyň Federal Howpsuzlyk gullugy (FSB) 17-nji aprelde Ukrainanyň Sankt-Peterburg şäherindäki konsuly Aleksandr Sosonýuky gizlin resminamalary ele salmak bilen günäkärläp göz tussaglygyna alypdy.
Russiýanyň Daşary işler ministrligi, şol hadysadan soň Sosonýuka 19-njy aprelde 72 sagadyň içinde Russiýany terk etmegi barada maslahat beripdi.
Ukrainanyň Daşary işler ministrligi bolsa, oňa jogap hökmünde Russiýanyň Kiýew şäherindäki ilçihanasynda işleýän bir diplomady ýurtdan çykarmak barada karar kabul edipdi.