Rus goşunynyň frontda öňe gidişlik edýändigi bellenen beýanatda Donetskiň Zelýonowka we Nowyý Komar ýaşaýyş zolaklarynyň ele salynandygy mälim edildi.
Beýanatda urşuň başyndan bäri Ukrainanyň goşunyna degişli 650 uçaryň, 283 dikuçaryň, 38 müňden gowrak uçarmansyz howa ulagynyň, 590 howa goranyş raketa ulgamynyň, 19 müň 844 tank we sowutly ulagyň, 1502 köp nilli raketa ulgamynyň, 19 müň 822 gaubisanyň we minomýotyň we şeýle hem 29 müň 326 ýörite harby ulagyň ýok edilendigi habar berildi.
Russiýanyň goranmak ministrligi düýn bolsa Donetsk sebitindäki Trudowoýe we Staryýe Terny ýaşaýyş zolaklarynyň basylyp alynandygyny aýan edipdi.
Beýleki tarapdan ýurduň paýtagty Moskwa şäherinde ýyllyk metbugat ýygnagynda çykyş eden Russiýanyň döwlet baştutany Wladimir Putin, rus harby güýçleriniň söweş meýdanyndaky esasy maksatlaryna ýetmek ugrunda öňe gidişlik edýändigini we günsaýyn möhüm ýerleri ele salýandygyny beýan etdi.
Ukrainanyň döwlet baştutany Wladimir Zelenskiý bolsa, Belgiýanyň paýtagty Brýussel şäherinde geçirilen Ýewropa Bileleşiginiň liderler sammitinde beren beýanatynda: "ÝB-niň we ABŞ-nyň birligine zerurulygymyz bar. Meniň pikirimçe diňe ABŞ we ÝB jebis bolsa Putini duruzyp biler we Ukrainany halas edip bileris" diýip belledi.