Russiýanyň Goranmak ministrliginden berilen beýanatda, Russiýanyň Ýaragly güýçleriniň Ukrainadaky hereketleri barada maglumat berildi.
Rus goşunynyň söweş meýdanynda öňe gitmegini dowam etdirýändigi bellenilen beýanatda, Donetsk sebitindäki Ilýinka ýaşaýyş zolagynyň ele geçirilendigi habar berildi.
Soňky 24 sagatda 139 sebitde Ukrainanyň harby howa menzilleriniň infrastrukturasyna, energiýa desgalaryna garşy hüjümler guralandygy habar berlen beýanatda, urşuň başlanan wagty bolan 2022-nji ýylyň fewral aýyndan bäri Ukrainanyň goşunyna degişli 648 uçar, 283 dikuçar, 36 müň 400 uçarmansyz howa ulagy, 586 howa goranyş raketa ulgamy, 19 müň 397 tank we sowutly maşyn, 1490 köp nilli raketa ulgamy, 18 müň 248 gaubisa we minomýot we 28 müň 541 ýörite harby ulagyň ýok edilendigi aýan edildi.
Russiýanyň Goranmak ministrligi, düýn goşunyň Donetskdäki Nowoselidowka ýaşaýyş zolagyny ele geçirendigini habar beripdi.