Russiýa-Ukraina uruşy dowam edýär

Russiýa-Ukraina uruşy dowam edýär

Harkow sebitiniň Harby dolanşyk edarasynyň başlygy Oleg Sinegubow, rus goşunynyň düýn gije sebite 2 sany "Iskender" kysymly raketalar bilen hüjüm gurandygyny habar berdi.

Raketalaryň biriniň esasy ýollaryň birine gaçmagy netijesinde golaýdaky öýleriň aýnalarynyň döwülendigini aýdan Sinegubow, 2-nji raketanyň bolsa 3 gatly bina degendigini beýan etdi.

Hüjümiň netijesinde 10 ýaşyndaky çaganyň ýogalandygyny, biri bäbek jemi 23 adamyň ýaralanandygyny aýdan Sinegubow, wakanyň bolan ýerinde gözleg we halas ediş işleriniň geçirilýändigini aýan etdi.

Sinegubow Russiýanyň düýn Kupýansk etrabynyň Groza obasyndaky asuda ilatly desga raketa bilen hüjüm guramagy netijesinde ýogalanlaryň sanynyň bolsa 52 adama ýetendigini mälim etdi.

Russiýanyň Goranmak ministrligi hem Gara deňizde Krym ýarymadasyna tarap barýan Ukrainanyň goşunyna degişli sürüjisiz deňiz ulagynyň ýok edilendigini habar berdi.

Ýene degişli makalalar

Russiýa-Ukraina Söweşi Dowam Edýär
Russiýanyň Harkowa Guran Hüjüminde 1 Çaga Ýogaldy
Ukraina sürüjisiz deňiz ulagy bilen Krymda Russiýanyň "Saturn" gämisine hüjüm gurady
Russiýa-Ukraina uruşy dowam edýär
Russiýa-Ukraina uruşy dowam edýär
Tutuş Ukrainada sirenalaryň sesi ýaňlanmaga başlady