Ukrainanyň Baş ştaby, rus goşunynyň Ukraina raketa we uçarmansyz howa ulaglary bilen hüjüm edendigini habar berdi.
Ukrainanyň Baş ştabyndan berlen beýannamada, rus goşunyň düýn gije Ukraina raketa we uçarmansyz howa ulaglary bilen hüjüm gurandygy nygtalyp, “Ilkinji kesgitlemelere görä, ruslaryň atan 30 Şahed uçarmansyz howa ulagyndan 28-i hatardan çykaryldy”diýildi.
Beýannamada, soňky 24 sagatda rus güýçleriniň Ukrainadaky harby pozisiýalara we ilatly ýerlere 45 howa hüjümini gurandygy, raketa ulgamlaryndan 70-e golaý od açylandygy, hüjümlerde asuda ilatdan ýaralananlaryň bardygy ýatladyldy.
Beýannamada, ruslaryň Bahmut, Adiýiwka we Marinadaky hüjümlerini dowam etdirýändigi, soňky 1 günde ady agzalýan ýerlerde 45 çaknyşygyň bolandygy nygtaldy.
Beýannamada, Ukrainanyň Howa güýçleriniň soňky 24 sagatda rus esgerleriiň ornaşan etrapçalaryny 15 gezek bombalandygy, Ukrainanyň topçu güýçleriniň ruslaryň 3 harby merkezini, 2 ýarag ammaryny, 1 ýangyç ammaryny, 3 howa goranyş ulagyny we 2 desgany nyşana alandygy bellenildi.