Russiýanyň Goranmak ministrliginden berilen beýanatda, resmi Kiýewiň düýn gije Russiýanyň territoriýasyndaky elementlere hüjüm etmäge synanyşandygy mälim edildi.
Hüjümiň öňüniň alynandygy bellenen beýanatda: "Krymda we Gara deňizde 70 sany, Krasnodar sebitinde 43 sany, Wolgograd sebitinde 1 sany uçarmansyz howa ulagy rus howa goranyş ulgamlary tarapyndan ýok edildi" diýip habar berildi.
Mundan başgada Gara deňiziň demirgazyk-günbatar sebitinde Ukrainanyň Harby-deňiz güýçlerine degişli 5 sany sürüjisiz deňiz ulagynyň ýok edilendigi aýan edildi.
Russiýanyň Krasnodar sebitiniň häkimi Weniamin Kondratýew Telegram kanalyndan beren beýanatynda, sebitde täsirsiz ýagdaýa getirilen uçarmansyz howa ulagynyň bölekleriniň ýere gaçmagy netijesinde 1 adamyň ýogalandygyny, awtobus terminalyna we ýyladyş desgasyna zeper ýetendigini habar berdi.