Russiýanyň, Ukrainanyň käbir sebitlerine howa hüjümini gurandygy öňe sürüldi.
Ukrainanyň Howa güýçleriniň metbugat geňeşçisi Ýuriý Ignat, rus harby uçarlarynyň ýurduna 30-dan gowrak raketa atandygyny mälim etdi.
Ignat, Russiýanyň Murmansk sebitinden 6-a golaý Tu-95 harby uçarynyň uçandygyny we ýurduna raketa atandygyny ýatlatdy.
Kiýewiň şäher häkimi Witaliýe Kliçko, Telegramdan beren habarnamasynda, paýtagtdan partlama sesleriniň eşidilendigini mälim etdi.
Ruslaryň atan ilkinji raketalarynyň howada täsirsiz ýagdaýa getirlendigi bellenildi.
Beýleki tarapdan, Russiýa bilen 24-nji fewralda başlan söweşde iň agyr çaknyşyklaryň başdan geçirilýän ýeri hökmünde bilinýän Ukrainanyň Bahmut şäherinde galan asuda ilat, hüjümler sebäpli başga ýere göçürilýär.