Russiýanyň Daşary işler ministrliginden berilen ýazmaça beýannamada Germaniýanyň Russiýanyň “RT” habar beriş serişdesiniň nemes dilindäki ýaýlymyny berýän kanalyň ýaýlymlaryny bes edendigi ýatladyldy.
Beýannamada Germaniýanyň şol kararynyň netijesinde deňderejelilik kadasyna laýyklykda “Doýçe Welläniň” Russiýadaky ýaýlymlary boýunça käbir kararlaryň kabul edilendigi bellenilýär.
Şuňa laýyklykda “Doýçe Wellänin” Russiýadaky ofisiniň ýapylmagy we habarçylarynyň akkreditasiýalarynyň bes edilmegi hakynda karar kabul edilendigine üns çekilýän beýannamada; “Doýçe Welläniň” Russiýadaky emeli hemra arkaly berilýän we beýleki ýaýlymlarynyň hem bes edilmegi hakynda karar kabul edildi” diýilýär.
Beýannamada, “Doýçe Welläniň” Russiýada “daşary ýurtly içaly” derejesine geçirilmegi üçin hem degişli işleriň başladyljakdygy nygtalyp, “RT DE-niň” ýaýlymlarynyň çäklendirilmegine gatnaşan resmi ýa-da resmi däl nemes ýolbaşçylarynyň sanawynyň düzüljekdigi we şol adamlaryň hem Russiýa gelmeginiň gadagan ediljekdigi habar berildi.
Germaniýada media boýunça Şahadatnamalandyryş we gözegçilik topary düýn kabul eden karary bilen “RT-niň” nemes dilinde ýaýlym berýän ýaýlymlaryny gadagan edipdi.
Toparyn beýanatynda “RT DE-niň” Germaniýada degişli ýaýlym şahadatnamasynyň ýokdugy sebäpli ýaýlymlarynyň gadagan edilendigi nygtalypdy.