Ukrainanyň Donesk sebitiniň Kramotorsk şäheriniň otly bekedine rus güýçleri tarapyndan raketa hüjümi guraldy.
Ukrainanyň Demirýollarynyň Telegramdan berlen habarnamasynda, “Kramatorsk şäheriniň otly bekedine iki raketa atyldy. Ilkinji kesgitlemelere görä wakada 30-dan gowrak adam ýogaldy, 100-den gowrak adam hem ýaralandy” diýildi.
Russiýanyň Goranmak ministrliginiň metbugat geňeşçisi Igor Konaşenkow bolsa, Donesk sebitindäki käbir otly beketlerinde Ukrainanyň harby goşunyna ugradylan ýaraglary we Odessada daşary ýurtly hakyna tutma esgerleri taýarlaýan merkezi nyşana alandyklaryny mälim etdi.
Konaşenkow, Doneskde Pokrowsk, Slawýansk we Barbenkowo otly beketlerinde Donbasa Ukrain güýçlerine gelen harby enjamlary we ýaraglary hatardan çykarandyklaryny aýtdy.
Rus howa goranyş ulgamlarynyň 2 dikuçar bilen 5 uçarmansyz howa ulagyny urup düşürendigini ýatladan Konaşenkow, bir günde 81 harby desganyň hatardan çykarlandygyny belledi.
Konaşenkow “Şu günki güne çenli Ukrainanyň harby goşunyna degişli 97 dikuçar, 421 uçarmansyz howa ulagy, 228 howa goranyş raketa ulgamy, 2 müň 19 tank we sowutly ulag, 223 raketa, 874 minomýot bilen 1917 ulag hatardan çykaryldy” diýdi.