Ukrainanyň Baş ştabyndan berlen beýanna görä, rus güýçleri bilen Ukrainanyň gündogaryndaky çaknyşyklar güýçlenýär.
Beýannamada “Rus goşuny Tu-22M3 kysymly strategik bombardyman uçarlaryny ulanyp Mariupol şäherine raketa we bombaly hüjümler guraýar. Harkow şäherini gabaw astyna almaga çalyşýar” diýildi.
Ukrainanyň Howa güýçleri serkerdeligi bolsa, Russiýanyň KA-52 Alligator dikuçaryny urup düşürendiklerini mälim etdi.
Howa güýçleri serkerdeliginden berlen beýannamada, “Rus basypalyjylary Ukrainanyň şäherlerini bombalamaga dowam edýär” diýildi.
Beýannamada, “Ukrainanyň goşuny rus güýçlerine degişli gaýtawuly berýär. Rus basypalyjylary howadan we gury ýerden ýitgi çekmäge dowam edýär. Soňky 24 sagatda KA-52 Alligator we 2 sany Mi-24 dikuçary, 1 uçar we Orlan-10 uçarmansyz howa ulagyny urup düşürdik” diýildi.