Rus goşunynyň Ukrainanyň Zaporožýe şäherine guran raketa hüjüminde 4 adam ýogaldy, 33 adam ýaralandy.
Ukrainanyň Prezidenti Wladimir Zelenskiý, X sosial media platformasyndan beren habarnamasynda, rus goşunynyň Ukrainanyň Zaporožýe şäherine raketa hüjümini gurandygyny mälim etdi.
Hüjümde asuda ilatyň ýaşaýan ýerleriniň nyşana alynandygyny aýdan Zelenskiý “Onkologiýa hassahanasyna zeper ýetirildi. Gözleg we halas ediş işleri dowam edýär”diýdi.
Zelenskiý, şuňa meňzeş hüjümleriň Russiýa bilen gepleşikleriň geçirilmek ähtimallygyna zeper ýetirýändigini belledi.
Rus hüjümleriniň öňiniň alynmalydygyny nygtan Zelenskiý, munyň Ukraina berilýän uzak aralykly ýaraglaryň artdyrylmalydygyny görkezýändigine ünsi çekdi.
Ukrainanyň Adatdan daşary ýagdaýlar gullugyndan berlen beýannamada bolsa, rus goşunynyň Ukrainanyň Zaporožýe şäherine guran raketa hüjüminde 4 adamyň ýogalandygy, 2-si çaga 33 adamyň ýaralanandygy nygtaldy.