Ukrainanyň prezidenti Wladimir Zelenskiý, X hasabyndan beren beýanatynda rus goşunynyň Lwow şäherine raketa bilen hüjüm gurandygyny habar berdi.
Hüjümiň raýat infrastrukturasyna guralandygyna ünsleri çeken Zelenskiý, hüjümiň netijesinde 1-i çaga jemi 5 adamyň ýogalandygyny, 30-dan gowrak adamyň ýaralanandygyny belläp: "Şäherdäki adaty ýaşaýyş binalaryna, mekdeplere we saglygy goraýyş desgalaryna zeper ýetdi" diýip beýan etdi.
Rus goşunynyň mundan başgada Kriwoý Rog şäherine raketa bilen hüjüm gurandygyny aýdan Zelenskiý, şol hüjümde hem 5 adamyň ýaralanandygyny aýan etdi.
Ukrainanyň şäherlerine garşy rus hüjümlerini "terrorçylykly aksiýalar" hökmünde häsýetlendiren Zelenskiý, dünýäniň Ukraina garşy guralýan hüjümleriniň öňüniň alynmagy üçin zerur bolan goldawy dowam etdirmegi barada çagyryş berdi.