Rus goşunynyň, Ukrainanyň Mikolaýew sebitine guran raketa hüjüminde 1 adam ýogaldy, 16 adam ýaralandy.
Mesele hakynda berlen beýannamada, Russiýanyň S-300/400 raketalary bilen sebite hüjüm edendigi nygtaldy.
Beýannamada, “Hüjümde naharhana, söwda merkezlerine, ýaşajaýyş jaýlaryna we ulaglara zeper ýetirildi. Hüjümden soň başlan ýangyn heniz gözegçilik astyna alnyp bilinmedi. Hüjüm sebäpli 1 zenan ýogaldy, 16 adam ýaralandy” diýildi.
Ukrainanyň Howa güýçleri serkerdeliginden berlen beýannamada bolsa, Russiýanyň düýn gije Mikolaýew sebitinde S-300/400 kysymly raketalar bilen, Çernigiw we Sumi etrapçalaryna hem X-59 kysymly 2 raketa bilen we “Şahed” kysymly 17 sany uçarmansyz howa ulagy bilen hüjüm edendigi nygtaldy.
Beýannamada, howa güýçleriniň 12 sany uçmarmansyz howa ulagyny Kiýew, Odessa we Poltaw şäherinde urup düşürendigi bellenildi.