Portugaliýanyň we "Ýuwentusyň" hüjümçisi Kriştianu Ronaldu resmi oýunlarda gollarynyň sany boýunça Wengriýanyň öňki hüjümçisi Ferens Puşkaş bilen deňleşip, dördünji orna çykdy. Bu barada Sputnik gullugy habar gullugy habar berýär.
Çarşenbe güni Portugaliýanyň milli ýygyndysy Lissabonda geçirilen ýoldaşlyk duşuşygynda Andorrany 7:0 hasabynda ýeňdi.Gollaryň birini 35 ýaşly Ronaldo öz adyna ýazdyrdy.Portugaliýaly hüjümçi üçin bu pökgi karýerasyndaky 746-njy gol bolup, ony iň köp pökgi geçirenleriň sanawynda dördünji setire çykardy.
Sanawda birinji orunda 805 pökgi geçiren Awstriýanyň öňki futbolçysy Iosif Bikan ýerleşýär.Ondan soň braziliýaly Romario (772 gol) gelýär.Ilkinji üçlügiň Romarionyň watandaşy Pele (767 gol) jemleýär. Şeýle hem Andorra bilen oýunda gazanylan ýeňiş Ronaldunyň milli ýygyndyda 100-nji ýeňşi boldy.