Saud Arabystanynyň çempionatynda 8-nji tapgyryň käbir duşuşyklary geçirildi.Kristiano Ronaldonyň çykyş edýän “Al Nassr” topary myhmançylykda “Al-Tai” topary bilen duşuşdy.Duşuşyk 2-1 hasabynda riýadlylaryň peýdasyna tamamlandy.
Duşuşykda 38 ýaşyndaky Ronaldo toparynyň ýeňiş gazanmagynda esasy roly oýnady.Ol 32-nji minutda Talişkanyň geçiren golunyň pasyny berdi hem-de 87-nji minutda penaltiden tapawutlanyp, duşuşygy 1 gol, 1 asist bilen tamamlady. Şunlukda, “Al Nassr” ähli ýaryşlary hasaba alanyňda bassyr 9-njy, çempionatda-da 6-njy ýeňşini gazandy.
Duşuşykda “Al-Tai” toparynyň goluny bolsa 79-njy minutda Misidýan geçirdi.
Ronaldonyň çempionatdaky gollarynyň sany-da 10-a, asistleriniň sany bolsa 4-e ýetdi. Ol “Al Nassrdaky” 30-njy goluny geçirdi (34 oýunda). Şeýle-de, onuň umumylykda klublardaky gollarynyň sany 731-a ýetdi. Ronaldonyň professional karýerasynda umumylykda 854 goly bar.