Italiýanyň çempionaty “Serie A”-da “Ýuwentus” myhmançylykda “Kaliarini” Kristiano Ronaldonyň het-trigi bilen 3-1 hasabynda ýeňlişe sezewar etdi.Ol 10-njy, 25-nji we 32-nji minutlarda tapawutlanyp, “Ýuwentusdaky” 3-nji, karýerasyndaky 57-nji het-trigini etmegi başardy.
Ronaldo “Real Madridde” 44, “M. Ýunaýtedde” 1, milli ýygyndyda bolsa 9 gezek het-trik etdi. 3-1-lik ýeňişden soň, bir oýny kem “Ýuwentus” “Milandan” bir utuk az toplap, 3-nji ýerde barýar.
“Inter” arany açýar
Sanawyň lideri 27-nji tapgyrda “Torinony” 2-1 ýeňdi. “Milan” bolsa öz meýdançasynda “Napoliden” 1-0 asgyn gelip, çempionlyk ugrunda uly ýitgä sezewar boldy. Bu ýeňlişden soň, “Inter” utuk aratapawudyny 9-a çykardy. “Atalantanyň” “Spesiýanyň” 3-1 ýeňen tapgyrynda “Roma” myhmançylykda “Parmadan” 2-0 utuldy.
The post Ronaldonyň 57-nji het-trigi, “Inter” arany açýar appeared first on Zaman Türkmenistan.