Ýewropanyň öňdebaryjy 5 çempionatynda 2020-nji ýylyň iň köp gol geçiren futbolçy “Ýuwentusyň” portugaliýaly ýyldyzy Kristiano Ronaldo boldy.Ol 33 gol geçirip, bu ugurda kalendar senenamasy boýunça 1-nji orny eýeledi.
Bu ugurda “Bawariýanyň” polşaly hüjümçisi Robert Lewandowski ondan 1 gol az geçirip, 32 gol bilen 2-nji ýere mynasyp boldy. “Lasio toparynyň italiýaly hüjümçisi Çiro Immobile 28 gol geçirip, 3-nji ýeri eýeledi. “Liwerpulyň” müsürli ýyldyzy Mohammed Salah bilen “Borussiýa Dortmundyň” norwegiýaly hüjümçisi Erling Holland 23 gol geçirip, 4-5-nji ýerleri paýlaşdylar.
Penaltisiz hasaba alnanda Lewandowski 27 gol bilen sanawyň başyny çekýär. Holland 22, Ronaldo 20, Immobile 18, Salah hem-de Son Hyn Min 17 gol geçirdi.
The post Ronaldo Ýewropanyň TOP 5 çempionatynda 2020-nji ýylyň iň köp gol geçiren futbolçysy appeared first on Zaman Türkmenistan.