“Ýuwentusda” 3-nji möwsümini arka atan super ýyldyz Kristiano Ronaldo turinlileriň düzüminde ahyry iň köp gol geçiren futbolçy bolmagy başardy.Portugaliýaly ýyldyz “Serie A”-da 29 gol geçirip, bu hormata mynasyp boldy. “Serie A”-da 13 ýyldan soň “ýuwentusly” futbolçy iň köp gol geçiren oýunçy bolmagy başardy.
Goja Sinýoradan soňky gezek 2008/09 möwsüminde 21 gol geçiren Alessandro Del Piero iň köp gol geçiren oýunçy adyny eýeläpdi.
Şeýle-de Ronaldo Ýewropanyň öňdebaryjy 5 çempionatynyň 3-sinde iň köp gol geçiren oýunçy adyny eýelän ilkinji futbolçy hökmünde taryha girdi. Ol Angliýanyň “Premier Ligasynda” 2007/08 möwsüminde 31, şeýle-de “La Ligada” 3 gezek 2010/11 möwsüminde 40, 2013/14 möwsüminde 31, 2014/15 möwsüminde-de 48 gol geçirip, iň netijeli futbolçy bolupdy.