Rolan Garrosyň ýarym final duşuşyklaryna şu gün badalga berler.
Uly tuwulgalaryň 21 gezek çempiony, dünýäniň ozalky birinji raketkasy Rafael Nadal ýarym finalda häzirki sanawyň üçünji basgançagynyň eýesi, germaniýaly tennisçi Aleksandr Zwerew bilen duşuşar.
Bu duşuşyk Aşgabat wagty bilen sagat 17:45-de başlanar.
Ikinji ýarym final duşuşygyny dünýäniň sekizinji raketkasy, norwegiýaly Kasper Rud bilen US Openiň 2014-nji ýyldaky ýeňijisi, horwatiýaly tennisçi Marin Çiliçiň arasynda geçiriler. Bu duşuşygyň Aşgabat wagty bilen agşam sagat 20:30-da başlanmagyna garaşylýar. Duşuşyklar Filipp Çatrýe adyndaky merkezi kortda geçiriler.
Nadal karýerasynda 13 gezek Rolan Garrosyň ýeňijisi bolupdy. Bu bolsa ýaryşyň rekordydyr.